YOS 11, 23 // RA 38, 87 // RA 38, 85–86

SEAL no. 26977

Tablet Siglum
HSM 7494; AO 7032; AO 7031
Measurements
YOS 11, 23
circumference
28.8 x 10.7 x 3.0
cm
Collection
Harvard Semitic Museum
Louvre, Paris
Edition
29–30
(YOS 11, 23)
30–60
(YOS 11, 23)
87
(AO 7032)
85–86
(AO 7031)
Genre / Classification
Hymns and Prayers, extispicy, diviner
Duplicate
Provenance
Text

A=YOS 11, 23 (HSM 7494); Starr, The Rituals of the Diviner, Malibu, 1983, Chap. III.

B=AO 7032; Nougayrol, RA 38), (1941), 87

C=AO 7031; Nougayrol, RA 38 (1941), 85–86

 

A 1 [ᵈUTU be]-el di-ni[m] ᵈIM be-el ik-ri-bi ù bi-ri-im

B 1 [ᵈU]TU bé-el di-nim ᵈIM bé-el ik-ri-bi ù bi-ri

 

A 2 [na-ši]-a-ku-nu-ši-im ša-a-am ma-ri ša-a-ti el-lam ti-iq-qí-am pu-ḫa-da-am ba-ar-ma-a-a[m]

B 2–3 na-ši-a-ku-nu-ši-im ša-a-am ma-ri ša-a-ti el-lam ti-qá-a-am pu-ḫa-da-am na-am-ra-am

 

A 3 [ṣú-pa]-am ṣú-up-pu-ra-am ši-pa-tim el-lam ša i-na pu-qú-u ša-a-ti it-ta-ab-ku!

B 3b–4 ṣú-pa-am ṣú-pu-ra-am ši-pa-ti el-[l]am! ša i-na pu-qí ša-a-ti it-ta-ab-ba

 

A 4 [ša re-ḫ]u-um i-ti-iq-šu i-mi-it-tam ù šu-me-lam la is-sú-ḫu a-na-sà-aḫ-kum i-ti-iq ša i-mi-tim ù šu-me-lim

B 5–6 ša re-⸢ḫu-um i-ti-iq-šu i-mi-it-tam ù šu-mi-la[m l]a is-sú-ḫu a-na-sà-aḫ-kum i-ti-iq ša i-mi-ti ù šu-me-[lim]

 

A 5 [a-ša-ka-a]n-ku i-na za-i-im qí-ri i-li ra-bu-tim za-ú-um ù gišERIN li-iq-ri-a-ku-nu-ti-i-ma

B 7 a-ša-ka-kum a-na za-ḫi qí-ri-i [i-l]i ra-bu-tim

 

A 6 [i-na t]e-er-ti e-ep-pu-šu i-na ik-ri-ib a-ka-ar-ra-bu ki-it-tam šu-uk-na-an

 

A 7 [i-na te-er]-⸢timša an-na-an-na ma-ri an-na-an-na i-na pu-ḫa-ad a-ka-ar-ra-bu ki-it-tam šu-uk-na-an

 

A 8 [a]-si-kum ᵈUTU šu-te-bi-ib am-ta-ḫa-ar-ka i-na pu-ḫa-ad a-ka-ar-ra-bu ki-it-tam šu-uk-nam

B 8–9 a-si-i-ka ᵈUTU šu-te-bi-[ib] am-ta-ḫa-ar-ka i-na te-er-ti-i-šu i-na p[u-ḫa-a]d a-ka-ra-bu ki-it-tam šu-uk-nam

 

A 9 ᵈUTU te-ep-te-a-am sí-ik-ku-ri da-la-at ša-me-e te-li-a-am sí-mi-la-at uq-<ni>-im el-li-im

B 10–11  ᵈUTU te-ep-te-a-am sí-[ik-ku-ri d]a-la-a-at ša-me-e te-li-a-am sí-mi-la-a[t] uq-ni-im el-lim

 

A 10 ul-lu-um-ma na-ši-a-ti ši-bi-ir-ri uq-ni-im i-na a-ḫi-ka a-na di-ni ta!?⸣-di-a-nim      

B 12 ul-lu-um-ma [na]-ši-ti-i-ma ši-bi-ra-am ša uq-ni-im i-na a-ḫi-i-k[a]

 

A 11 ta-di-in di-in i-li ra-bu-tim ta-di-in di-in ú-ma-mi-im ta-di-in di-in te-ni-ši-tim

B 13 ta-di-nam di-nam                             di-i-in ú-ma-mi ta-di-a-an di-in te-ni-ši-[tim]

 

A 12 u4-ma-am di-in an-na-an-na ma-ri an-na-an-na di-na-a-ma i-na i-mi-ti pu-ḫa-di-im an-ni-im ki-it-tam ù šu-me-el pu-ḫa-di-im an-ni-im ki-it-tam šu-uk-na-an

 

A 13 er-ba-am ᵈUTU be-el di-ni er-ba-am ᵈIM be-el ik-ri-bi ù be-ri-im er-ba-am ᵈEN.ZU šar-ri a-gi-im

 

A 14   be-el-et bi-ri-im Iš-ḫa-ra wa-ši-ba-at ku-um-mi-im geštin-an-na ša-as-sú-ka-at i-li na-gi-ra-at A-nim

 

A 15 ᵈNè.iri11.gal be-el gišTUKUL DINGIR-lam be-el te-er-ti e-ep-pu-šu šu-zi-za-nim-ma i-na te-er-ti e-ep-pu-šu ki-it-tam šu-uk-na-an

B 14–15 x x [x x x] x [x x] x x šu-zi-a-am [x x x x x x x x x x] x an-na-an-[na x x]

 

A 16 i-na ši-ik-na-at i-li ra-bu-tim i-na ṭu-up-pi ša i-li ta-ka-al-tum li-ši-ib 

 

A 17 ᵈNIDABAṭú-up-ša-ra-tum li-ša-ṭe4-er di-na-am SIPA im-me-ra-am li-ṭe4-ḫi a-na pu-ḫu-ur i-li ra-bu-tim a-na šu-lu-u[m d]i?-nim

B r 1'-3'  [x x x x x x ] li-ša-ṭe4-[er … ᵈSI]PA ⸢pu-ḫa⸣-d[a-am li-ṭ]e4-ḫi-a-am x [x x x x x] [a-n]a pu-uḫ-ri ša [i-li] a-na šu-ta-ar-ru?-uk? ⸢x⸣[]

 

A 18 li-iš-bu-ma da-a-a-nu i-lu-ú ra-bu-TIM! wa-ši-bu gišGU.ZA-a-at ḫu-ra-ṣi a-ki-lu pa-aš-šu-ur uq-ni-im ma-ḫa-ar-ka

B 4'–5' li-iš-bu-nim i-[lu-ú r]a-bu-tum!?(ÚR) a-ki-il pa-aš-šu-ur kù!?(KI) ⸢gi⸣ wa-aš-bu-ut ku-sà-at uq-ni-i-im el-lim

 

A 19 i-na ki-it-tim ù mi-ša-ri-im li-di-nu di-na-am u4-ma-am di-in an-na-an-na ma-ri an-na-an-na di-na-a-ma

B 6'–7' ša i-na ki-tim ù mi-ša-ri-im i-di-nu di-nam li-di-nu di-nam ša ki-tim a-a ip-pa-ar-ku mi-ša-ru-u[m A]M? li-zi-zi              colophon: ik-ri-ib SILA4

 

A 20 i-na i-mi-it-ti pu-ḫa-di-im an-ni-im ki-tam ù šu-me-el pu-ḫa-di-im an-ni-im ki-it-tam šu-uk-na-an

 

A 21 pu-ḫa-da-am an-ni-a-am a-na šu-lum an-na-an-na ma-ri an-na-an-na e-ep-pu-uš a-na šu-ul-mi-im

 

A 22 re-eš im-me-ri-im i-mi-it-tam li-wi-ir šu-me-lam li-it-ru-uk

C 1 ⸢re-eš UDU i-mi-tam li-wi-ir! šu!-mé-lam li-it-ru-u[k]

 

A 23 ni-iš re-eš im-me-ri-im i-mi-it-tam li-wi-ir šu-me-lam li-it-ru-uk

C 2 -eš re-eš UDU i-mi-tam li-wi-ir šu-me-lam li-wi-ir

 

A 24 šu-ul-mu-um i-na na-ap-ša-at im-me-ri-im i-mi-it-tam li-wi-ir šu-me-lam li-it-ru-uk

 

A 25 a-ḫu ša i-ir-tim i-mi-it-tam li-wi-ir šu-me-lam li-it-ru-uk

 

A 26 i-du ša i-mi-it-tam li-ik-šu-ud šu-me-lam li-na-ḫi-is ši-ru-um i-mi-it-tam li-il-li-ik šu-me-la[m li-na]-ḫi-is

C 3–4 i-du-um ša i-mi-it-ti li-ik-TU-ud ša šu-mé-lim li-n[a-ḫi-is] ši-rum i-mi-it-tam li-li-ik šu-me-lam li-na-[ḫi-is]

 

A 27 zi-ib-ba-tum i-mi-it-tam li-li-ik šu-me-lam li-pa-ṭe­4-er nim-šu i-mi-it-tam li-li-ku šu-me-la[m li-na]-ḫi-su

C 5 zi-ba-tum iš-tu i-mi-tim a-na šu-mé-lim li-te-šu-u[r?                      ]

 

A 28 ú-ši-ri-id a-na li-ib-bi im-me-ri-im te-er-tam ku-nu-uk e-ṣe-em ṣe-ri-im ki-iṣ-ri-ši-na i-mi-i[t-ta]m li-ti-iq

C  8–7 ú-ši-ri-id a-na li-ib-bi UDU te-er-ta-am ku-nu-uk e-ṣe-em ṣe-ri-im ki-iṣ-ri-ši-na i-mi-it-tum e-li šu-me-lim l[i-ti?-iq?]

 

A 29 ka-as-ka-su!-um i-mi-it-tam a-na qé-er-bi-nu-um li-iq-pi-iṣ li-da-an-ni-in šu-me-lam li-i[p-par-ki]-id

C 6 ka-as-ka-su-um i-mi-tam li-ik-pi-iṣ a-na qí-ir-bi-nu li-da!-[na-an-ni-in] ša šu-mé-lim a-na e-le-nu-um e-li-iš li-pa-ar-qí-id

 

A 30 ṣe-er ḫa-ši-im i-mi-it-tam li-iš-li-im-ma šu-me-lam li-ki-[im]

 

A 31 ru-uq-qí ḫa-ši-im i-mi-it-tam li-iš-li-im-ma šu-me-lam li-ip-ṭù-[ur]

 

A 32 da-an-na-at ḫa-ši-im ma-ṣa-ar-ti ḫa-ši-im i-na i-mi-tim li-ik-ṣí-ir li-te-pi-iq li-i[d-da-an-ni-in ša šu]-me-lim a-na…  (?)

 

A 33 ku-bu-us ḫa-ši-im ša i-mi-it-tim lu ša-li-im re-eš ḫa-ši-im ša šu-me-lim lu ša-lim [ša i-mi-it-tim] lu pa-ṭe­­­4-er

 

A 34 še10-pu i-na i-mi-ti ḫa-ši-im lu er-bé-et lu ka-aš-da-at a-na pa-ni še10-ep i-mi-it-[ti]

 

A 35 ṣe-er ḫa-ši-im ša šu-me-lim lu e-ki-im ru-uq-qí ḫa-ši-im ša šu-me-[lim lu pa-ṭe­­­4-er]

 

A 36 ú-ba-an ḫa-ši-im qá-ab-li-tum i-na ma-aš-ka-ni-ša iš-da-ša lu ki-na-a ṣe-er i-m[i-im-it-ti-ša lu     ]

C 11 ú-ba!-an ḫa-ši qa-ab!-li-tum iš-da-ša lu ki-na i-mi-ta-ša li-zi-ir šu-mé-[li-ša?] li-i[p-ṭu-ur?]

 

A 37  ú-ba-an ḫa-ši-im qá-ab-li-tum ṣe-er i-mi-it-ti-ša li-iš-lim-ma ṣe-er š[u-me-li-ša li-ip-ṭù-ur]

 

A 38 ú-ba-an ḫa-ši-im qá-ab-li-tum a-na i-mi-it-tim li-iš-ḫi-iṭ ki-ši-it-tam ù [          ]

 

A 39 li-ib-bu-um i-mi-it-tam li-wi-ir šu-me-lam li-it-ru-uk re-eš li-ib-bi i-mi-tam li-[wi-ir šu-me-lam li-it-ru-uk]

 

A 40 ta-al-lum ša li-ib-bi-im lu da-an ri-iṣ DINGIR-lim li-ir-ši-a-am šu-ut-qu ku-tum l[i-ib-bi i-mi-it-tam li-wi-ir šu-me-lam li-it-ru-uk]

 

A 41 a-na ša-la-mi-šu na-ap-la-aš-tum ki-it-tum lu ša-ak-na-at ma-an-za-az DINGIR-lim ki-nu-um lu [ša-ki-in]

C r  1' [na-ap-la-as-ti] i-li ki-tum! lu ša-ak-na-at

 

A 42 i-na na-ap-la-aš-tim ni-iš re-ši-im ki-nu-um lu ša-ki-[in]

 

A 43 pa-da-nu-um lu šu-šu-ur ḫa-ar-ra-nu-um i-ša-ar-tum lu ša-ak-na-at šu-ub-tam ni-iḫ-tam

C 2' [   ḫa-ar]-ra-nu-um i-ša-ar-tum lu ša-ak-na-at

 

A 44 pa-da-an i-mi-it-tim gišTUKUL li-ib-ni pa-da-an šu-me-lim lu na-ḫi-is lu e-ki-im lu šu-ṣu [i-na pu-uš-qí-im]

 

A 45 na-aṣ-ra-ap-ti i-mi-it-tim lu wu-uš-šu-ra-at na-aṣ-ra-ap-ti šu-me-lim [lu ka-as-sa-at]

C 3' [na-aṣ-ra-ap-t]i i-mi-ti lu šu-šu-ra-at ša šu-me-lim lu ka-sà-at

 

A 46 na-aṣ-ra-ap-ti i-mi-it-tim lu kap-ṣa-at na-aṣ-ra-ap-ti šu-me-lim [lu na-pa-ar-qú-da-at]

 

A 47 KÁ É.GAL-li-ša lu šu-šu-ur a-bu-ul-la-ša lu pi-ti-a-at da-na-an-ša lu šu-ta-aš-n[u(?)]

 

A 48 pa-da-na-at i-mi-it-tim lu pu-ut-ta-a pa-da-na-at šu-me-lim lu pu-uš-šu-qú

C r  9' pa-da-na-at i-mi-ti lu pu-ut-ta-a ša šu-me-lim [lu pu-uš-šu-qú]

 

A 49 šu-lum te-eš-mi-im iš-tu maṣ-ra-aḫ mar-tim a-na KÁ É.GAL-lim lu ma-qí-[it]

 

A 50 šu-ul-mu-um ra-bi-iṣ šu-ul-mi-im i-na i-mi-it-ti ta-ka-al-tim

 

A 51 ri-ṣú ka-ak-ku ma-ag-ša-ru šu-ut i-mi-it-tim lu pa-ar-ku lu te-bu lu zu-qú-[tu lu    ]

C 10' ka-ak-ku ri-ṣu ma-ag-ša-ru šu-ut i-mi-ti i?-mi-[]

 

A 52 ka-ak šu-me-li-im a-na wa-ar-ki-šu-nu lu su-ḫu-ru ar-b[u(?)     ]

 

A 53 mar-tum iš-da-ša i-mi-it-tam lu ki-na-a šu-me-lam lu na-as-ḫa lu ku-ub-bu-r[a …]

 

A 54 mar-tum iš-tu i-mi-it-tim a-na šu-me-lim lu da-ak-ša-at ri-ik-bu iš-tu i-[mi-it-tim]

 

A 55 mar-tum i-mi-it-tam li-wi-ir šu-me-lam li-it-ru-uk re-eš mar-tim i-mi-i[t-tam] l[i-wi-ir šu-me-lam li-it-ru-uk]

 

A 56 šu-me-el ta-ka-al-tim li-ip-ṭu-ur i-na šu-me-el ta-ka-al-tim [ši-lu lu-ši-li]

C r 12'–13' 13’ i-na šu-me-el ta-ka-al-ti pi-iṭ-ru lu      […]12’ i-na šu-me-el ta-ka-al-ti ši-lu-[um] lu-še20-[li]

 

A 57 [i-na ni-di] gišGU.ZA iš-da-an ki-na-a-tum im-di DINGIR-lim i-na i-mi-i[t-ti]m

 

A 58 li-mi-it-[ti] lu-ba-nim li-iš-lim-ma šu-me-el ú-[ba-nim] li-ip-ṭu-ur i-na šu-[me-el ú-ba-nim ši-lum lu-ši-li]

 

A 59 i-mi-it-ti ú-ba-nim [li-iš-lim-ma šu-me-el ú]-ba-nim [li-iš-mu-uṭ]

 

A 60 i-na ma-at ú-ba-nim giš⸣TUKUL [iš-tu i-mi-it-tim a-na] šu-me-lim li-it-bé-e-ma

 

A 61 i-na ṣe-er be-ri-tim ša ú-ba-nim ṭi-bu-um [ša-ap-li(?)-i]š lu x ba [

 

A 62 i-na ṣe-er be-ri-tim ša ú-ba-nim i-mi-it-tum š[u-me-lam li-ti-iq]

 

A 63 ú-ba-nu-um i-mi-it-ta-ša li-iš-lim-ma šu-me-el-ša li-ki-im ni-ki-im-ta-ša a-na [ši-im ti-ša! li-li-ik]

 

A 64 i-mi-it-tum a-na šu-ul-mi-im lu šu-ul-lu-ma-[at]

 

A 65 mu-ḫi mar-tim lu šu-šu-ur mu-ḫi ú-ba-nim lu šu-šu-ur ṣi-ib-tum e-li ṣi-ib-tim l[u ra-ak-ba-at]

 

A 66 ni-rum a-na gišTUKUL li-tu-úr ma-ag-ša-ra-am li-ib-ni i-na ni-ri-im gišTUKUL lu ša-ki-im-ma

 

A 67 i-na ni-ri-im gišTUKUL lu ša-ki-im-ma iš-di ú-ba-nim li-ṭu-ul i-na ni-ri-im ši-lu ši-n[a(?)

 

A 68 kàr-šum pi-i kàr-ši-im ri-qí-tum ku-ku-ud-rum sà-ar-ka-at qí-ir-bu šu-ḫu-um ti-ra-nu [su-ru-mu-um]

 

A 69 ba-am-tum šu-up-tum šu-pa-at šu-up-tim ša-ša-al-lum qí-ir-bi-tum ka-li-tum ka-l[i-it bi-ir-ki-im]

 

A 70 li-pi-it pu-ḫa-ad a-ka-ar-ra-bu i-mi-it-tam nu-wi-ra-am-ma šu-me-lam tu-[ur-ri-ka]

 

A 71 ti-ra-an šu-gi-ni-im ki-nu-tum mi-nu-tam lu wa-at-ru lu za-aq-ru a-na pa-ni-šu-nu

 

A 72 a-na 14 li-tu-ru-ú šu-ub-ta-am ni-iḫ-tam

 

A 73 i-mi-it-ta-šu-nu li-iš-lim-ma šu-me-el-šu-nu li-ip-ru-us šu-ul-ma-a[m i-na i-mi-it-tim  ]

 

A 74 šum-ma la ú-la-ma ᵈUTU be-el di-nim ᵈIM be-el ik-ri-bi ú be-ri-im AN KI [

 

A 75 di-in ki-it-tim i-na zu-mu-ur pu-ḫa-di-im an-ni-im

 

A 76 a-na la ša-la-mi-šu e-ep-pu-[]

 

A 77 re-eš im-me-ri-im šu-me-lam li-wi-ir i-mi-it-tam li-it-ru-[uk]

 

A 78 ni-iš re-eš im-me-ri-im šu-me-lam li-wi- ir [i-mi-i]t-tam li-it-ru-[uk]

 

A 79 ši-pi-ik e-pi-ri i-na qá-qá-ad ni-ši-šu lu ša-p[i-i]k

 

A 80 [š]u-ul-mu-um i-na na-ap-ša-at im-me-ri-im šu-me-l[am li]-wi-ir i-mi-it-ta[m li-i]t-ru-uk

 

A 81 a-ḫu-um i-ir-tum šu-me-lam [li-wi-ir i-mi-it-tam li-it]-ru-uk

 

A 82 i-du-um šu-me-lam li-ik-šu-ud i-mi-it-tam li-na-ḫi-is š[i-ru-um šu-me-lam li]-li-ik i-mi-tam li-na-ḫi-is

 

A 83 zi-ib-ba-tum šu·me-lam li-li-ik i-m[i-it-tam li-p]a-ṭi-ra-am

 

A 84 [nim-šu] šu-[me-lam] li-li-ku i-mi-it-tam li-na-ḫi-su ú-ši-ri-i[d a-na li-ib-bi im]-me-r[i-im] te-er-tam

 

A 85 [ku-nu-uk e-ṣe]-em ṣ[e-ri]-im ki-iṣ-ri-ši-na šu-me-lum i-mi-it-tam li-[ti-i]q

 

A 86 [ka-as-ka-s]u-um šu-[me]-lam a-na qí-ir-[bi]-nu-um li-ik-pi-iṣ li-da-na-an-ni-in [i-mi-it-tam li]-ip-pa-ar-qí-id

 

A 87 [ṣe-er ḫ]a-ši-im ša šu-me-lim lu ša-li-im ša i-mi-it-tim lu [e-ki]-im

 

A 88 [ru]-uq-qí ḫa-ši-im ša šu-m[e]-lim lu ša⸣-li-im ša i-mi-it-tim lu pa-ṭe4-er

 

A 89 [da-an-n]a-at ḫa-ši-im ma-ṣa-ar-ti ḫa-ši-im ša šu-me-lim li-ik-ṣí-ir li-te-ep-pi-iq li-id-[da-a]n-ni-in ša i-mi-tim     a-na    

 

A 90 [ ] ḫa-ši-im ša šu-me-lim lu ša-li-im ku-bu-uš ḫa-ši-im ša i-mi-tim lu ša-ti-iq

 

A 91 [še20-pu] i-na⸣ ⸢šu-me-el ḫa-ši-im lu er-be-et lu ka-aš-da-at a-na pa-ni še20-ep šu-me-li-im

 

A 92 ṣe-er ḫa-š[i-i]m ša i-mi-tim lu e-ki-im ru-uq-qí ḫa-ši-im ša i-mi-tim lu pa-ṭe4-er

 

A 93 ú-ba-an ḫa-ši-im q[á]-ab-li-tum i-na ma-aš-ka-ni-ša lu ḫa-al-qa-at mu-ḫa-ša lu ka-sí-is ki-mi-ta[m li-ki-lam] ṣer šu-me-li-ša l[i?     ] ṣe-er i-mi-ti-ša

 

A 94 [ú]- ba-an ḫa-ši-i[m qá-a]b-li-[tum] ṣe-er šu-me-li-ša li-iš-lim e-er⸣ i-mi-ti-ša li-ip-ṭù-ur

 

A 95 l[i-ib]-bu-um šu-me-lam li-wi-ir i-mi-it-tam li-it-ru-uk re-eš li-ib-bi šu-me-lam li-wi-ir i-mi-tam l[i-it-ru-uk]

 

A 96 [   ] x x-tum a-na i-mi-tim lu su-ḫu-ra-at

 

A 97 ⸢ta-al-[lu] ša li-ib-bi l[u sa?]-li-iḫ a-na ša-ap-la-nu lu da-ki-iš a-mu-ut lu-mu-un li-bi ma-gi-im ù lu-tim

 

A 98 šu-ut-qu ku-tum li-ib-bi šu-me-lam li-wi-ir i-mi-it-tam li-it-ru-uk

 

A 99 a-na la ša-la-m[i]-šu na-ap-la-aš-tum lu ka-ap-ṣa-at na-ap-la-aš-tum li-ir-qí-iq li-ib-ba-al-ki-it li-[…] pi-a-am la ki-nam li-ki-lam

 

A 100 i-na na-ap-la-[]-tim ši-lum lu-ši-li pa-da-nu lu pa-ši-iṭ ḫa-ar-ra-nu i-ša-ar-tum lu pa-ḫi-a-at

 

A 101 pa-da-[an] šu-me-lim gišTUKUL li-ib-ni pa-da-an i-mi-tim lu na-ḫi-is lu e-ki-im lu šu-ṣu i-na pu-uš-qí-im

 

A 102 n[a-aṣ-ra]-ap-ti šu-me-lim lu [wu-uš]-šu -ra-at na-aṣ-ra-ap-ti i-mi-it-tim lu ka-as- sa-at

 

A 103 n[a-aṣ]-r[a]-ap-ti šu-[me]-lim lu kap-ṣa-at na-aṣ-ra-ap-ti i-mi-it-tim lu na-pa-ar-qú-d[a-at]

 

A 104 K[Á É].GAL-li-ša ki-ma iš-ga-ru-ur-tim lu ga-ri-ir a-bu-ul-la-ša lu pi-ḫi-a-at ni-tam ù su-un-qá-[am]

 

A 105 [i-na K[Á É.GAL-lim zi-ḫu-um lu r[u-uš]-šu-uk i-na KÁ É.GAL-lim gišTUKUL lu-mu-un li-ib-bi-im lu ša-ki-i[n]

 

A 106 d[a-n]a-an-ša li-ib-ba-al-ki-it da-na-an-ša li-ip-ṭu-ur i-na da-na-nim ši-lum lu-ši-l[i]

 

A 107 pa-da-na-at šu-me-lim lu pu-ut-ta-a pa-da-na-at i-mi-it-tim lu pu-uš-[šu-qú]

 

A 108 i-na ta-ka-al-tim i-na i-mi-ti mar-tim i-na qá-qá-ar šu-ul-mi-im ši-lum lu-ši-l[i]

 

A 109 ri-ṣú ka-ak-ku ma-ag-ša-ru šu-ut šu-me-lim lu pa-ar-ku lu te-bu-ú lu zu-qú-tu lu […]

 

A 110 ka-ak i-mi-it-ti-im […] ka-ak [                                              ] ⸢lu⸣ [              ]

 

A 111 [mar-tum iš-da-ša šu-me-lam lu ki-na-a] i-mi-it-tam lu na-as-ḫa

C r 7'  [mar-t]um iš-da-ša i-mi-tam lu ki-na šu-me-lam lu na-as-ḫa

 

A 112 […l]i-is-iq IGI re-eš mar-tim qú-ú-um lu ṣa-bi-it

 

A 113 [re]-eš m[ar]-t[im] lu sa-ni-iq re-eš mar-tim lu [        ]

 

A 114 ⸢mar-tum iš-tu šu-me-lim a-na i-mi-tim lu da-ak-ša-at ri-ik-bu iš-tu šu-me-lim x x [    ]

C r 8' mar-tum iš-tu i-mi-ti a-na šu-me-li-im lu [da-ak-ša-at]

 

A 115 mar-tum šu-me-lam li-wi-ir i-mi-tam li-it-ru-uk re-eš mar-tim šu-me-lam li-wi-ir i-mi-[tam li-it-ru-uk]

 

A 116 še20-pu-um [x] ri-iš-tum iš-tu šu-me-lim lu er-bé-et mar-tam lu ka-aš-da-[at]

 

A 117 še20-pu-um iš-tu šu-me-lim li-it-bé-e-ma e-li mar-tim li-is- […]

 

A 118 mar-tum e-li mar-tim i-na šu-me-li-im lu ra-ak-ba-[at]

 

A 119 i-na ni-di-i gišGU.ZA i-n[a i]-mi-it-ti ú-ba-nim ši-lum lu-ši-li ti-bu-um i-na šu-me-el ú-ba-nim lu […] tu? x [           ]

 

A 120 šu-me-el ú-ba-nim li-iš-lim-ma i-mi-ti ú-ba-nim li-ip-ṭu-<ur> i-na i-mi-it-ti ú-ba-nim ši-lum lu-ši-l[i]

 

A 121 šu-me-el ú-ba-nim li-iš-lim-ma i-mi-ti ú-ba-nim li-iš-mu-uṭ!

 

A 122 i-na ma-at ú-ba-nim gišTUKUL iš-tu šu-me-lim a-na i-mi-it-tim li-it-bi-ma i-mi-ti ú-ba-nim a-na pa-ni-šu lu [    … ]

 

A 123 i-na ṣe-er be-ri-tim ša ú-ba-nim ti-bu-um e-li-iš li-it-bi i-na ṣe-er be-ri-tim ša ú-ba-nim šu-m[e-lum i-mi-it-tam li-ti-iq]

C 15' i-na ṣi-ri-im qa-ab-li-i ša ú-ba-nim i-mi-tum šu-m[e-lam li-ti-iq]

 

A 124 ú-ba-n[u]-um šu-me-el-ša li-iš-li-im-ma i-mi-it-ta-ša li-ki-im né-ke-em-ta-ša a-na ši-im-ti-ša! li-[li-ik]

 

A 125 ma[r]-tum ki-m[i-t]am ú-ba-nu-um ki-mi-tam li-ki-lam mar-tum la iḫ-li-iq ú-ba-nu-um la iḫ-li-iq i-na [   ]

 

A 126 ni-rum a-na [giš]TUKUL x [t]u-ru mu-ḫa-šu lu pa-ṭe4-er ar-bu-tam li-ki-lam ṣi-ib-tum lu tar-ka-at ṣi-ib-[tum…]

 

A 127 [r-šu]m pi-i kàr-ši-im ri-qí-tum ku-ku-ud-rum sà-ar-ka-at qí-ir-bu šu-ḫu-um ti-ra-nu su-ru-mu-um

C 19'-20' ka-ar-šum pi-i ka-ar-ši-im ri-qí-tum ku-ku-ud-ru-um q[i-ir-bu] sà-ar-ka-at

 

A 128 ba-a[m-tu]m šu-u[p-tu]m šu-pa-at šu-up-tim ša-ša-al-lum qí-ir-bi-tum ka-li-tum ka-li-it bi-ir-k[i-im]

 

A 129 li-pi-it pu-ḫa-ad ak-ru-bu šu-me-lam nu-wi-ra-am-ma i-mi-it-tam tu-ur-ri-k[a]

 

A 130 ti-ra-an šu-gi-ni-im ki-nu-tum mi-nu-tam li-iṣ-ḫi-ru li-ši-ṣú a-na 8 li-tu-[ru]

 

A 131  šu-me-el-šu-nu li-ku-un-ma i-mi-it-ta-šu-nu li-ip-ru-u[s]

 

A 132 šu-ul-ma-am i-na šu-me-li-im pi-it-ra-[as] i-na i-mi-it-tim di-[in?]

                        ik-ri-ib šu-me-li-im

 

A 133 ᵈUTU be-el di-nim ᵈIM be-el ik-ri-bi ù be-ri-im a-na-sà-aḫ-ku-nu-ši-im i-ti-iq-šu ša

            ⸢i-[mi-tim ù šu-me-lim]

 

A 134 a-ša-ka-an-ku-nu-ši-im be-ri-it ma-aṣ-ḫa-tim ù sà-as-qí-im

 

A 135 i-na pu-ḫa-ad ak-ru-bu i-mi-it-tum ik-ri-bi li-ki-in-na-am di-nam ki-nam šu-me-lum li-[ti-iq?]

            ik-ri-bu ša iš-tu ta-ak-ta-ar-bu šar-tam ta-na-sà-ḫu-ma ta-pa-ṭa-ra-a[m]

 

A 136 ᵈUTU be-el di-nim ᵈIM be-el ik-ri-bi ù be-ri-im na-ši-a-ku-nu-ši-im is-ra-am ku-ur-sí-in-na-am [     ] ša i-mi-tim

 

A 137 i-na i-mi-it-ti pu-ḫa-di-im an-ni-im ki-it-tam ù šu-me-el pu-ḫa-di-im an-ni-im ki-it-tam šu-uk-na-an

 

A 138 i-mi-it-tam ùšu-me-lam tu-ra-a-aṣ

            ik-ri-ib ku-ur-sí-in-ni-im

 

A 139 ᵈUTU be-el di-nim ᵈIM be-el ik-ri-bi ù be-ri-im ku-um-mu-uk!(UZ)-ku-nu-ši-im im-me-rum pa-ri-ku-nu-ši pa-a[t x]

 

A 140 i-na i-mi-it-ti pu-ḫa-di-im an-ni-im ki-it-tam ù šu-me-el pu-ḫa-di-im an-ni-im ki-it-tam šu-uk-na-an

ik-ri-ib i-ta-ab-bu-li-im

 

A 141 ᵈUTU be-el di-nim ᵈIM be-el ik-ri-bi ù be-ri-im ir-ba-an a-ku-la ši-ti-a-ma

 

A 142 i-na i-mi-it-[t]i pu-ḫa-di-im an-ni-im ki-it-tam ù šu-me-el pu-ḫa-di-im an-ni-im ki-it-tam šu-uk-na-an

            ik-ri-bu ša i-nu-ma pu-ḫa-du ḫa-ru-um?⸣ me-e ta-na-aš-šu-u

Signs in text
5143
Words in text
2076
Sumerograms in text
402
% of Sum. in text
19
Lines in text
180
Average signs per line in text
28.57
SD of signs per line
8.54
Revision History
Wasserman, Nathan
Cataloguing
21/07/20
Anor, Netanel
Edition
14/07/20