CUSAS 30, 448

Obv.

1. ÉN.É.NU.[RU]
2. a-ši-ib ek-le-ti bi-nu-ut a-wi-l[u-ti]
3. am-mi-ni^!(IR) la «ta» tab-⌈ki⌉ ⌈i⌉-na lìb-bi um-m[i-ka]
4. aš-šu tu-ṣa-am-ma-a ta-mu-r[u]
5. [š]a-ru-ru ^dUTU-š[i]
6. tu-uš-tab-ki ta-ra-ti-ka
7. tu-uš-ta-dir mu-še-ni-qé-ti-ka
8. i-na i-in a-bi-ka ù um-mi-ka
9. di-ma-ta ta-aš-tak-⌈na⌉
10. [k]i-ma né-ḫu-ú-ti me-e bu-ú-ri
11. ⌈ki⌉-ma ṣal-la-li-i im-⌈mi⌉-ir ṣa-bi-⌈tim⌉
12. ⌈ki⌉-⌈ma⌉ a-⌈lik⌉ ur-ki al-pi ṭa-ri-du-ti
13. li-i[m]-taq-qú-ta-ak-ku ku-ú-rum
14. ÉN ul iu-ut-tu
15. ⌈ÉN⌉ ^dé-⌈a⌉ ù ^dASAL.LÚ.ḪI
16. ⌈ÉN⌉ ^dNIN.GÌRIM EN ši-p[a-ti]
17. ^dgu-la id-di-⌈ma⌉ a-na-ku aš-ši TU₆.É[N]
18. KA.INIM.MA LÚ.TUR ḪUN.GÁ.KAM

(ritual agenda)