AfO 32, 1ff. (Kurigalzu)

SEAL no. 7588

Copy / Photo
Tablet Siglum
MAH 15922
Collection
Musée d’Art et d’Histoire, Geneva
Studies
Genre / Classification
Hymns and Prayers, Lamentation to Marduk with praise of Kurigalzu
Provenance
Text
Obv.
1 i-lu ba-nu-ú
2 pa-aḫ-ru I-gi-gu par-ri-ku ú-šar-bu-ú ma-al-k[a] ⌈e-li ka-l[i x x] x [x] ⌈EN? ri⌉ x [(x x)]
3 it-né-em-bu-šu i-lu ra-bu-tu im-ma-at K[a]-ra-an-du-ni-ia-áš Dūr(BÀD)-Ku-ri-gal-zu a-li x [(x)] x x (x x x)
4 ip-Pa-am-ba-li pa-rak šar Kaš-ši-i a-li ṣa-a-ti du-ru-uš ta-ku-un-x x-nu
5 i-na bi-it dŠu-ma-li-ia ù dŠu-qa-mu-na ì-lí ra-bu-ti
6 ú-šèr-bu-ú pár-ṣi-šu ú-te-eg-gi-nu-šu ti-gi-in mé-lam-mi ú-še-ek-li-lu-šu šu!-luḫ šar-ru-ti
7 dKu-ri-gal-zu šar kiš-ša-ti šar ta-ši-im-ti še-mu-ú dŠamaš(UTU) dan-na
8 AN-nu dEn-líl ù dEn-ki še-mu-šu-ma
9 šar-ru-us-su ša-am-ḫa-at ša-ni-na ul i-šu
10 ka-šu-uš na-ki-ri ka-mu-ú a-a-bi-šu na-ra-am dMarduk(AMAR.UTU)
11 ú-mu la pa-du-ú a-gu-ú ṣi-ru mu-ʾa-bi-tu e-lep-pe-ti ti-iz-qa-ru tu-kul!-ti AN-nim
12 di-ia-a-nu ša ki-ma dŠamaš(UTU) i-ber-ru ki-nam i-na nap-ḫar ni-ši ú-šal-la-mu ḫab!⌉-la
13 ša-ki-in an-du-ra-ar ni-ši Bābili(KÁ.DINGIR.RAki)
14 mu-ze-ek-ku-ú ni-ši-šu i-na il-ki a-na ra-im pa-le-šu dMarduk(AMAR.UTU)
15 mu-er-ri ak-li la-pu-ut-te-e ša-ak-ka-an-ki e-li-šu-nu tu-né-es-si
16 [mu-š]èr-bi-iṣ a-bur-ri-iš ni-ši Bābili(⌈KÁ.⌉DINGIR.RAki) šam-ḫa-[ti]
17 [x x x x x (x)] ma-ti-šu mu-pe-eḫ-ḫi-ir ni-š[i sa-a]p-ḫa-ti ša x [x x] x šu
18 [x x x x x (x)] šar-ri dKu-ri-gal-zu ga-i-ṢI? [x x] x [x x x(x x x)]
19 [x x x x x x (x)] x x mi [x x (x)] ki x x [... ... ...]
 
Rev.
1' [... ... ...] x x x [... ... ...]
2' [... ... ...] ú-se-⌈el-l[i? ... ... ...]
3' [... ... ...] x ṣu-lu-la x [... ... ...]
4' [x x x x x (x) mi?-i]g-ra-ki? dKu-ri-gal-[zu (x x x x x (x x)]
5' x x x [x (x)] x [D]U? iš-šap-li-šu pi-tar-ru-ka [x x x x x]
6' ⌈ú?⌉-tu du-um-qa ša ú-ze-em-mu-ú na-ḫa-ša x [(x x x x x)]
7' ši-pi-ir ar-ki ša na-⌈si!-ka⌉-ti ip-paq-qid úr?-ra-am-mu-ši ma x [x x x (x x)]
8' ki-ma ši-pi-ir ma-al-ki ša ša-ak-ka-an-ku šu-ḫu-zu i-qí-iš(-)šu ⌈li?⌉-x(-x)
9' a-na-ku ki-ma a-mi ul ap-pa-aq-qí-di ki-ma ṭú-bu-ti ul aḫ-ḫa-ši-iḫ na-⌈da⌉-an-ni kib-ru
10' Marduk(dAMAR.UTU) a-na šar-ri mi-ig-ri-ka dKur-ri-gal-zu pu-su-us lu-um-ni ḫe-pi e-⌈gi-ti
11' i-na ekalli(É.GAL) be-lí lu-uḫ-ḫa-si-is lu-tu du-um-qa pa-ša-ḫa lu-mur
12' li-zi-ba-an-ni mé-de-li li-id-da-an-ni lu-up-ni le-mé-ni lu-un-ši
13' du-um-qa ù maš-ra-a li-qí-ša be-lí
14' uṭṭata(ŠE.BAR) šam!-na! šīpāta(SÍK) al-pi ṣe-e-ni eq-la a-laù ki-ra-a a-ši-ir-ti be-lí šar-ri
15' a-na ardi(ÌR)di-šu e-pi-ši ta-na-at-ti šar-ri
16' ša šu-mi šaṭ-ra i-pi-iš-ši-ṭú-ma šu-um-šu i-na qé-reb ṭup-pi šu-a-⌈tu⌉ i-šaṭ-ṭa-ru
17' ilānū(DINGIRmeš) ša i-na lib-bi za-ak-ru li-ru-ru-šu
18' x [x x] x a-ka-la ù me-e li-ze-em-mi ki-ma lem-ni ša it-ti i-li-šu
19' [x x x] x tu ŠE+X? ra šu ma-a-tu a-ma-as-su lil-mad [(x x x)]
20' napḫaru(šu.nígin) 2 UŠ 11 mu-bi-im
21' qāt(ŠU) mdNin-urta-a-píl-i-di-ia
22' mār(DUMU) mMarduk(dAMAR.UTU)-lí-is-su
Signs in text
777
Words in text
352
Sumerograms in text
21
% of Sum. in text
6
Lines in text
41
Average signs per line in text
18.95
SD of signs per line
8.03
Revision History
Hess, Christian W.
Catalogue, transliteration
01/01/12
Streck, Michael P.
Catalogue, corrections (transliteration), creation of rtf-file
06/11/12
Streck, Michael P.
Catalogue
19/11/13
  • 1 of 1